Dikhindoj le rromen, bi te avel amen anglekrisimata
|
Regiòno: |
Albània, Bòsnia thaj Hercegovìna, Makedònia, Sèrbia thaj o Montenègro |
Micro- < $15,000
|
Tikno -$15,00-$100,000 |
Medium-$100,000-$500,000 |
Baro-$500,000-$1 million |
But baro >$1 million |
|
Parteneri: |
śunavela mai anglal |
|
Lovărne: |
O Anglikano Departamènto vaś Maśkarthemutno Barăripen (Anglikanes: DFID) |
O ander le projektosqo / O Projèkto xarnesθe:
Kadava projèkto, kerdino p-e 24 ćhona, si les sar res te vastdel / źutisarel e rromane khethanimata / komunitète k-aśti te aven khosle / spidine rigaθe i diskriminàcia,
i marginalizàcia vi e xakajenqe uśtavimata, anθar jekh edukaciaqo procèso medienθe vi anθar o barăripen le ginesqo le rromane vakenqo / glasurenqo / krlurenqo anθ-e mèdie. O progràmo dikhel le rromane źurnalìsturen save keren butĭ vi anθ-e rromane mèdie, tha' vi, generalosθe, anθ-e mèdie, dikhel le gaзikane źurnalìsturen vi le butărnen anθ-e mèdie, le rromane BRO-ură vi le rromane lideruren anθar e rromane komunitète. E aktivimata / e bută dikhen: e keripnasqo / formisaripnasqo aśtipen rromane BRO-urenqo vi le liderurenqo anθar e rromane komunitète, o profesionàlo barăripen le rromane źurnalisturenqo, o vazdipen / o keripen nesave phandipnasqe phurtă maśkar e rromane źurnalìstură thaj e butărne anθ-e mèdie vi maśkar kodola kaj si gaзikane źurnalìstură - jekhe rigaθe, vi maśkar e rromane komunitète / khethanimata vi e mèdie save trebalas te reprezintisaren len - avere rigaθe. Sa kadja, e aktivimata / e bută dikhen o keripen, k-o ućo nivèlo / lèvelo / nivo, le nevimatenqo aj le kulturalone prezentacienqo, dikhindoj le rromen, k-śti te aven publikisarde aj tradine anθ-e mèdie.
E obijektìvură le projektosqe:
| • |
E rromane BRO-ură thaj le grùpură e komunitetenθar d-aśtina maj / po laćhes te mangen o aźutòro kaθar e generàlo, buxle mèdie thaj kaθar e specialistură anθ-e mèdie k-aśti e rroma te aven informisarde anθar / palal penqe ćaćimata / xakaja, sar von d-aśti te azban len / te resen lenθe thaj vaś o prezentisaripen jekhe maj ćaće vi maj / po barrabarr dikhipnasqo palal i rromani kultùra aj palal o зivipen rromane зenipnasqo, k-aśti te aven khosle / dine rigaθe o bipatăipen aj i segregàcia; |
| • |
E rromane źurnalìstură avena maj / po anglegätime te xramosaren aj te keren materiàlură rromane tematikaça, po but, anθar / palal e manuśesqe xakaja – vi vaś e specializisarde mèdie (save treban te den le rromane komunitetenqe informàcie kaj dikhen penqe ćaćimata / xakaja thaj te keren jekh vakărimatenqo / diskusienqo fòrumo), vi vaś e generàlo mèdie (anθar o informisaripen le buxle publikosqe palal e mangimata rromane etniaqe vi anθar laqo spidipen karing pesqo liipen anθ-e verver problème, e resaça te avel barărdi jekh stàbilo aj luludărăli societèta). |
| • |
E generàlo mèdie avena maj / po laćhes anglegätime vaś o dinipen le informacienqo anθ-jekh ćhand po / maj kovlo vi maj / po barrabarrutno palal e rroma, te den nevimata vi te vakăren palal i rromani kultùra, k-aśti te aven khosle / mudarde / mekhle rigaθe o bipatăipen thaj o mamujpatia / o зungalo dikhipen karing e rroma. |
Anθar kasθe si kerdo o projèkto?
| E vortutne / dirèkto agorutne: |
| • |
E grùpură anθar e rromane khethanimata / komunitète save si len o xakaj te sikaven penqe opìnie / dikhimata; |
| • |
E rromane źurnalìstură, save (1) liena kotor k-ël kùrsură vaś o profesionàlo anglegätipen, (2) avena len o śajutnipen / i posibilitèta te keren aj te buxlăren nevimata palal / anθar e pućhimata kaj dikhen e khethanimata save kadala reprezintisaren len thaj (3) kerena kontàkto avere rromane źurnalisturença, le reprezentanturença e rromane khethanipnasqe vi le butărnença anθar e generàlo mèdie. |
| • |
E źurnalìstură gaзe save kamen te siklŏven e profesionàlo tèhnike, sar te lien i sasti rromani temàtika / ververipen / e manuśesqe xakaja, sar te keren nevimata save te barăren o xatăripen karing savorre aspèkte kaj dikhen o ververipen. |
| E bivortutne / bidirèkto agorutne: |
| • |
E rromane komunitète / khethanimata, kaj (1) liena informàcie palal penqe xakaja vi palal sar te resen lenθe thaj dikhena ke na-i kòrkoro anθ-e penqo maripen vaś jekh maj / po laćho зivipen / tràjo, (2) avena len o śajutnipen / i posibilitèta te keren penqe śunde penqe vaka anθ-e specializisarde rromane aj generàlo mèdie. |
E projektosqe aktivimata / bută:
E aktivimata dikhen: o śajutnipen / i posibilitèta te aven kerde thaj barărde le BRO-ură thaj le komunitetaqe lìderură, o profesionàlo barăripen le rromane źurnalisturenqo; o vazdipen le phandipnasqe phurtănqo maśkar e źurnalìstură aj butărne anθ-e mèdie anθar i rromani komunitèta vi maśkar kodola kaj na-i anθar laθe, jekhe rigaθe, thaj maśkar e rromane komunitète / khethanimata vi e mèdie save treban te reprezintisaren len - avere rigaθe. Sa kadja, e aktivimata / e bută dikhen o keripen / o redaktisaripen le nevimatenqo aj kulturalone prezentacienqo, k-o ućo levèlo / nivèlo, dikhindoj le rromen, k-aśti te aven publikisarde aj tradine anθ-e mèdie:
|
| 1. |
I tradùkcia / O amboldipen anθ-i albanikani vi anθ-i makedonikani ćhibă le siklŏvipnasqe lilesqo , printisardo kaθar o IVM (E siklŏvipnasqo lil relacienqo anθ-e mèdie dikhindoj le rromen), kaj sikavdăs pes te avel jekh trebutno instrumènto / labno vaś e rromane BRO-ură k-aśti te alosaren penqe medienqe strategìe. |
| 2. |
E laboratòrură vaś o formisaripen anθ-e medienqe komunikàcie dikhindoj le rromen , kaj sas akharde po 15 kotorliutne anθar i rig le rromane BRO-urenqi, save trebalas te anen penqe teoretikane aj praktikane eksperiènce / kidimata anθ-e BRO-ură, k-aśti te resen k-o jekh impàkto maj/ po laćhes śundo vi maj / po eficiènt; |
| 3. |
I konsultànca va ś o buxlăripen e eksperiencaqo an θ -e mèdie . Bute reprezentanturen le rromane medienqe sas len regionàlo baxtagora / sukcèsură, tha' pànda maj si trebutno o laćharipen e profesionalone kapacitetaqo, k-aśti te avel garantisardo, p-o lùngo / dïlgo termìno, o thavdipen le prestacienqo/ le butănqo dine kaθar kadala reprezentàntură. Jekh ekspèrto anθ-i ràdiotradipen organizisarela jekh konsultaciaqo progràmo le зi k-o 10-e medienqe organizaciença, p-i jekh periòda panзe ćhonenqi. Kerindoj butĭ “k-o muj le thanesqo”, e aźutipnaça le telefonosqo vi le imejlosqo, o konsultànto kerela butĭ le medienqe organizaciença opral o laćharipen le arakhle problemenqo. |
| 4. |
Projekturenqi prezentàcia p-ël ekìpe , save sine formisarde anθar po oxto źurnalìstură (anθar rromani ètnia vaj avrăl laθar), thaj svàko grùpa kerel butĭ po 10 dĭvesa k-o redaktisaripen le radiosqe nevimatenqo palal/ anθar le problème le rromenqe anθar kodova regiòno. I res si kodoja te avel laćhardo o sigutno radionevimatenqo trebaipen, uće kalitetaqe, vi programenqo palal e thavdutne/ svakodĭvesutne problème / pućhimata dikhindoj le rromen k-aśti te kerel pes śunipen maśkar le gaзe. |
| 5. |
Progràmo va ś o prezentisaripen le ververipnasqo anθar/ maśkar le nevimatenqe agèncie. E źurnalìstură anθar le nevimatenqe agèncie, anθar kodova regiòno, liena kotor k-o jekh laboratòro, palal, rodena aj redaktisarena artìkulură thaj nevimata palal le rromenqe problème/ pućhimata. E artìkulură avena tradine / bićhalde p-o pazàri thaj buxlărde anθ-o sasto regiòno k-aśti te avel len jekh cirkulàcia kozom po/ maj buxli. I res si kodoja te avel realizisardo o sigutno trebaipen e xramosarde, uće kalitetaqe nevimatenθar vi le artikulurenθar palal e xakaja le rromenqe thaj palal penqi kultùra, vi te resel pes k-o jekh śunipen anθ-i ètnia, tha', partikulosθar, vi vaś jekh buxlo śunipen, k-aśti te barărel o xatăripen vi i tolerànca karing le rromenqe khethanimata / komunitète. |
|
